شوارع فرنسا

شوارع فرنسا

طباعة التعليقات

الشاعرة : هموم

سافَرت لاجل انساك وابعِد واخلّيك
وادري وَلو سافرْت لا يُمكن انسى
أبحرْت في شطّ الجفا لاجْل اجافيك
لكن عجَزت ألقى بَليّاك مرسى
وارسيت في (باريس) من شان لا اْبْكيك
وْتركت ذكراي بْأراضينَ (الاحسا)
بس الغريب أرحَل بدونك والاقيك
وْقلبي يشوفك كلّما اْصْبح وما اْمْسى
حتّى الرحيل عْناد فيني يناديك
ويْلين قلبي كلِّما جيت باقسى
وْ(باريس) خانَتني وجابت طواريك
واحتاجَت انفاسك شوارع (فرنسا)
عميا بَلَيّا صوتك وْلا تغنِّيك
والناس فيها دون تَلْمحْك خرسا
تحتاج اراضيها تعانق خطاويك
وتْقابِلِك في كلّ صبْحٍ ومَمْسا
كثْر احتياجي للبكا بين أياديك
حتّى ولو قلبي نوى يوم يقسى
يبقى شعوري مثلِما كان يبغيك
وْلا يمكن انّه لو تخلّيت ينسى

نشرت هذه المادة في صحيفة الشرق المطبوعة العدد رقم (٤٤٩) صفحة (٣٠) بتاريخ (٢٥-٠٢-٢٠١٣)