بدوٍ حضر

421307.jpg
طباعة التعليقات

سلطان الغنّامي

شابت عيوني ورى باب السهر وانا انتظر
كم ليل مرّ وتعدّاني عمر ياغايبه

من كثر ما احسب من ايام السفر باح النظر
واقول للدمع الازرق لانهمر وش جايبه

غابت عن لساني اسماء البشر واسمك حضر
تنبت حروفه شجر يسقط ثمر مشهاي به

اللي تخبرين يكتب لك شعر قلبه خضر
باقي وبعده على مثل الجمر لك سايبه

يوم التقينا على شط البحر بدوٍ حضر
حبات رمله تحت نور القمر جت ذايبه

لحظة كشفتي عليها في حذر وجهٍ نظر
واخفيتي بكفّك الموت الحمر متــ هايبه

نشرت هذه المادة في صحيفة الشرق المطبوعة العدد رقم (٤٧٠) صفحة (٢٨) بتاريخ (١٨-٠٣-٢٠١٣)